السلام عليكم
شخباركم وش مسوين
ودي اسئل الناس اللي تحتفل باليوم الوطني وين يروحون !!!! 
اصلاً حنا مدري وش مطلعنا باليوم الوطني 
>>وش حادك على المر قال اللي امر منه 
>>وش حادك على المر قال اللي امر منه
انا وصديقاتي الحبيبات ودنا نشوف 
بعض وعجزنا نجتمع وكل وحده بجامعه غير وكل وحده دوام غير 
بعض وعجزنا نجتمع وكل وحده بجامعه غير وكل وحده دوام غير
قررنا نطلع السوق نجتمع باي كوفي يجمعنا وعقبه نقلب وجيهنا لبيت
واتفقنا بما انه السبت اجازه نطلع ونشووف بعض
من الساعه4 ونص العصر طلعنا من بيتوتنا طبعا باختلاف بسييط من تحريك السيارات بس الساعه 5 كلنا بالشوارع
توجهنا للسوق المحدد اللي هو غرناطه بحكم انه اقرب شي حولنا كلنا
وانقلبت الطلعه طاش ماطاش ممثلين+قصه وسيناريو كلش موجود بس ناقص مصورين وموسيقى وتكمل خخخخ 
وبالعصريه فرينا اربع اسواق وكلهن مقفلات ...يأسنا وقلنا خلاص نرجع البيت
و مانبي يومنا يطير ع الفاضي قلنا نروح اقرب كوفي لبيوتنا الطرق زحمه والشوارع فُل مايمدي نـتـنـقى لنا كوفي على سنع
رحنا كوفي "ارينا" اللي بمجمعات الحمراء انتظرنا ربع ساعه ننتظر يفتح عقب صلاة المغرب..
^ ليتهم يسكرون وقسم احسن لهم 
وفتح وليته مقفل ولا فتح 
ودخلنا وليتنا مادخلنا ماحد معطينا وجه والعامل اللي يفتح الباب يحليله محتفل مع نفسه لابس العلم واقف ديكور!!
لو يروح يخدم اللي فوق احسن
والعمال كلن يتهاوش معهم شوي
والكوفي ظلام >ايقالكم ديكور جانا النوم وصدعت روسنا
قلنا معليش خلونا نستانس يكفي شفنا بعض ومن هالكلام
مسكنا عامل وعطيناه طلبنا من اول مادخلنا المغرب بعد الصلاه وطلبت لاخوي لانه جالس تحت بقسم العزابيه "الله يوووفقه "
على حساب طاولتنا
وجلسنا نسولف بالقديم والجديد >بحكم اننا مغبرين عن بعض هههه
جاء عامل قال مافي سوي طلب الحين عشان صلاة"العشاء" بعدين
قلنا له مسوين من زمان راح وخلانا
طبعا الدور اللي فوق مافيه عمال يفيدون 3 بس ديكور واحد ينظف واحد عند الدرج مدري وش خانته والثالث مره ينزل ومره يرقى
قلت لاخوي يتفاهم معهم خير لو طالبين من ايطاليا كان وصل خخخخ
المهم عطو اخوي طلبه عشان يسكتونه وسحبووووو علينا
سكتنا قلنا بعد الصلاه يجي طلبنا لاعادت
كل عامل متكل على الثاني ابببدن مافي ترتيب
ااخوي ياحبي له مسكهم ورتب كل واحد بمكان وكانه تسنع الشغل وجاء طلبنا عقب طلعة الروح والكوفي بااارد بس للأمانه كيكهم زين والا من الجوع خخخخ
بس اللي يضحك انهم يقولون لاخوي ادفع حسابك وحنا طالبين على حساب طاولتنا قال ايش عشان ماتخرب حساباتنا ههههههه
ههههههه
مطاعم توصل من ديره لديره انتم عجزين من دور لدور
واصوات المبزره مسوويه جو اليييم 
وعقب هالحوسه عوضونا بكوفي مجاني بدل البارد خخخ
وابي اقول للعيال لاتقولون وين نروح له اقل شي بدل هالحووسه 
نروح نكشت بالثمامه الجو زين وبارد اهم شي نجتمع خخخ >>حبيـبيـن ماعندنا طلبات ههه 
واللي يبون يفتحون مشروع يا يمسكونه والا يخلون فلوسهم بجيوبهم امسك المشروع صح والا خل المشاريع لاهله 
وبس
