قصتنا مع الصيفي

هلا والله ..

وش اخباركم عساكم بخير وش مسوين مع الرطوبه ..ليتها كل يوم رطوبه ولا هالعجاج تعب صدورنا وانحاسوا بزاريننا ..

وما امدانا غاسلين الحوش خخخخخ

 الا يمتلى غباااار ..>>اشك اني اروح الثمامه مو طالعه الحوش

من هالمنبر ودي اقول ياناس  اتقو الله ترى هذا كل من ذنوبنا .. بس ودي اذكركم يعني (فذكر انا الذكرى تنفع المؤمنين) ..

ابحكي لكم سالفتنا مع الصيفي ..

طموح بحماس ..

تفاؤل بنجاح ..

محاولتنا لسبق السنين ..

حاولنا جاهدين  ان نختصر الطريق  ونغتنم الفرصه

لكي ..

نبدع وننتج ..

> لا تضيق صدوركم بنرجع للعامي ..

سعينا باحثين وسئلنا المسؤولين ...

 الجميع ..... لااااا يعلم .. !

< شكل جدتي هي اللي تدري ..

هل يوجد صيفي ؟

وعدنا

 لم يكن العشم في وفائه هكذا ...

شمس اشرقت بخبر وجود تسجيل  .. ذهبنا لكي يكون لنا نصيب ... واصبح مجرد احصاء عدد ..

لم نزل  متمسكين بطلبنا < ياذا الليل انتم وطلبكم ...

وتشهد مكاتب زرناها ..

- لا اعلم..

-مانزل قرار..

-انتظروا بالاختبارات ..

-لا مافيه تسجيل

واحترنا ( من وين ناخذ القرار) < حتى العامله وقنا(طلينا) بوجهها ..

حتى نهاية الاسبوع الاول من الاختبارات النهائيه .....الجواب .... ماندري .!!!

اجابه تتكرر

من يدري اذا!؟!
مانسينا بنهاية اخر يوم بالاختبارات .. ان نمر مكتب .. اعتدنا على زيارته ..

الاجابه خذلت تخطيطنا > الله اكبر ياللي مخططين ع النمسا خخخ

وحافظنا على مابقى من موية وجيهنا .. رحنا .. وتغيرت خططنا ..بكونه لا يوجد صيفي .. خطط بديله بان ننجز لو القليل ..

وجاء مايثلج صدورنا بان هناك تسجيل .. لمدة يومين فقط .. الاربعا ءوالسبت ..

 فا لاربعاء فات تسجيله واشوى لحقنا ع السبت والا كان انجلطنا .. وبدت السوالف وتخطيط الاوقات للسمستر الجاي  وتخفيف المواد وانواع الترويقه .. وخذ ياحلُوم .

وماطلــوبنا"طولوها" الله يجزاهم خير الى ما قالوا بس .. وجاء يوم الثلاثاء وينزل خبر على المنتدى  وقريته ع الساعه تسع مساء تقريبا ..

وسيدا خبرت صديقاتي

وصملنا نروح السبت ونسجل .. الله  لا يعوق بشر ...

وجا السبت ووطلع صبح السبت بحماس وتفاعل وانس )لاتحسدونا

(  رحنا وسجلنا وتم كل شئ على مايرام ..

سألناهم متى بيبدأ الدوام .. والجواب كالعاده ماندري راح ينزل بالمنتدى ...

طبعا مافي الا قوة تحديثات على المنتدى ويوم غفلنا نزل القرار!!!! المهم انوه من بكرا الدوام بيبدأ .. يعني من الاستهتار مابلغونا قبل بيوم على الاقل ...

طبعا حزتها مجتمعه مع بنات خالاتي والوناسه وفله

لكن ياالله    قريت الخبر ..

(طاش ماطاش) وتجيكم المكالمات  من يرجعني البيت

وو <خربوا علي النومه .. وجاني ابوي ع الساعه ست الصبح ! <مكافحه ..

واروح البيت ابدل واروح للجامعه ..ع السبع .

طبعا شعور ممزوج بين الفرح واني ابرتاح السمستر الجاي ..  وبدا الدوران والبحث عن الكلاس اللي قالوا عليها بالمنتدى ...

وتجيكم الصدمه الثانيه انه موب كلاسنا اللي فيه المحاضره !!!!

 (لازم نتعب في سبيل النجاح والعلم ) ارددها بيني وبين نفسي.

المضحك في الموضوع انوه هالكلاس من قبل قسم العربي ماخذين فيه قبل محاضرات .. كيف حاطينه لنا بالمنتدى ..

ورجعت للبحث من جديد (عادي تأقلمت)ااصلاً رياضه ... ومن موظفه لموظفه ..  كلهم كالعاده مايدرون .. قلت لكم العامله هي اللي تدري . طبعا الجواب كان

 اسألوا قسمكم  والقسم فاضي محد داوم  انا احترت اسأل البيبان والا الدرايش!!!

<<<< من الحمقه والشوشه موب الكشه ..

انَه حماسنا كان ع اساس اننا ناخذ كل اللي نزلوا لانهم منزلين 3 مواد .

وفجأه هالثلاث مواد تصير وحده

لا وبعد هالوحده ترقل"تهتز" ..

عاد انا خلاص ماتشوفون الا الدخاخين تطلع من كل مكان

وقررننا ...

 االانسسسسسسسسسسسسسسسسسسسسسسسحاب

 .. لانهم رفضوا يضيفون مواد من مستويات ثانيه .. طبعا ماراح اداوم بالحر

عشان وحده لا وشبكه بعد .. ماتسوى .. مالله حادني ..

ورحت افطر ارجع الكيلوات اللي نقصت من المشاوير من دور لدور ...لا من وساعة الوجه تقنعنا المشرفه اننا ناخذ هالوحده

.. ما كأن الغلط غلطهم :

 

وبالاخير نقول عساها خيره ان شاءالله .. صحيح انقهرت ويمكن دمعت .. تخبرون اجلنا سفرتنا عشان هالصيفي ..

صحيح ان عطلتنا راحت بين اننا بندرس وبين اننا معطلين
 تعطل راس العدو ..

واشكركم على سعة صدوركم بس ابفضفض شوي .